॥ दोहा ॥ बाल समय रवि भक्ष लियो तब, तीनहुं लोक भयो अंधियारो। ताहि सों त्रास भयो जग को, यह संकट काहु सों जात न टारो॥ देवन आनि करी बिनती तब, छाड़ी दियो रवि कष्ट निवारो। को नहीं जानत है जग में कपि, संकटमोचन नाम तिहारो॥ ॥ चौपाई ॥ बाल समय रवि भक्ष लियो तब, तीनहुं लोक भयो अंधियारो। ताहि सों त्रास भयो जग को, यह संकट काहु सों जात न टारो॥ देवन आनि करी बिनती तब, छाड़ी दियो रवि कष्ट निवारो। को नहीं जानत है जग में कपि, संकटमोचन नाम तिहारो॥ ॥ १ ॥ बालि की त्रास कपीस बसै गिरि, जात महाप्रभु पंथ निहारो। चौंकि महामुनि शाप दियो तब, चाहिय कौन विचार बिचारो॥ के द्विज रूप लिवाय महाप्रभु, सो तुम दास के शोक निवारो। को नहीं जानत है जग में कपि, संकटमोचन नाम तिहारो॥ ॥ २ ॥ अंगद के संग लेन गए सिय, खोज कपीस यह बैन उचारो। जीवत ना बचिहौं हम सो जु, बिना सुधि लाए इहाँ पग धारो॥ हेरि थके तट सिंधु सबै तब, लाय सिया सुधि प्राण उबारो। को नहीं जानत है जग में कपि, संकटमोचन नाम तिहारो॥